كشفت الفنانة المغربية نورة الصقلي في آخر حوار لها عن مرض الزهايمر الذي عانى منه والدها ولم يتعرف عليها بسببه مما شكل لها حزن عميق.
حيث قالت: “الأب ديالي فاش جاه الزهايمر كان خايب لأن ماكن عندي حتى فكرة على هاد المرض.. وديك ساعة كنت كنقرا في ISADAC ونزلت كنطير لأصيلة باش نشوف الوالدين ديالي”.
وأضافت: ” صافي جلست وسلمت عليهم واحد لوقيتة الأب ديالي قال لماما نوض عمل أتاي لضياف جاو عندنا، ماستوعبتش لأنه ماعرفنيش فلأول قالي بنتي ومن بعد 2 دقايق معرفنيش كان إحساس خايب..”
وختمت ب: ” كنت في العطلة ديالي كانمشي لأصيلة كنقابلو باش يبقى عاقل عليا وباش يهضر معايا كنت كنعيط ليه بالاسم ديالوا ميمون عاد كيدور يشوف فيا لأن الأب ديالي مبقاش عارف معنى ديال كلمة بابا، وبالتالي تصالحت مع المرض وتصالحت مع با فهاديك الظروف لي كان كيعيش فيها ملي بديت كنتهلى فيه نوكلوا نغسلو…..”.
