يقدم إليك عزيزتي موقع “لالة فاطمة” في فقرة وصفات بيتزات صغار بالقمرون نتمنى أن تنال إعجابك.
مقادير العجينة:
30 غرام طحين
معلقة صغيرة من خميرة الخبز
معلقة كبيرة من الزيت شوية من الماء الدافئ
الحشوة أو العمارة
نصف كيلو كروفيت
علبة كبيرة ديال مطيشة الحك
100 غرام زيتون أسود
150 غرام فروماج أحمر محكوك
طريقة التحضير:
كنخلطوا العجين مع الخميرة والزيت وشوية الملحة ونظيفوا الماء الكافي ثم كنخلطوا مزيان حتى كنحصلوا على عجينة متماسكة وكنصنعوا منها كويرات صغار وكنستفوهم في لاطة ديال الفرن ونتقبوهم بالفرشيت وممكن أننا نشريوا عجينة البيتزا جاهزة يكفي فقط أننا نعمروهم بالحشوة.
طريقة تحضير الحشوة:
في كسرونة منوضعوا القيمرون مع الحامض وورقة سيدنا موسى حتى كيغلي ثم كنخرجوه ونوضعوه يقطر، أما مطيشة فكنوضعوها في مقلاة فيها الزيت مع شوية الملحة والبزار والزعتر وغير كتسخن وكنزولوها ولما كتبرد كنبداو ناخذو شوية منها ونمددوه فوق الخبيزات ثم كنوضعوا القمرون ثم الزيتون ونرشوا الفطائر بالفروماج محكوك وندخلوه للفرن لمدة 15 دقيقة.
